I tausaga e tele ua te'a, sa nofo ai Kupe i Hawaiki. O le 'aufaigaluega a Kupe sa fagogota i aso uma lava. Sa masani ona 'aina māunu i a latou mātau e tama'i i'a e ta'ua o fe'e. O le sifi o ulaleaga, o se fe'e lapo'a lava, - o le fāgafao a le tamaloa e igoa iā Muturangi.

E le'i fa'alogo Muturangi i le talosaga a Kupe e tatau ona fai sana fuafuaga i lana fāgafao auā ua lalata uma mai ai tama'i fe'e i le ogāsami e fagogota mātau ai.

Peita'i ane, na fai le tohunga iā Kupe a tatau ona ia tapēina Te Wheke ona fa'ato'a manuia lea o faiva o lana 'aufaigaluega.

O Kupe ma lona 'auāiga, sa i le va'a e igoa o le Matahorua, ma Ngake, (le uso fa'aletulāfono o Kupe) ma nisi sa i le va'a lona lua e ta'ua o le Tawhirikua, na tu'uva'a e tuliloa Te Wheke. Sa ta'ita'ina e Te Wheke le tuliga umi lava se'ia o'o mai ai i se lau'ele'ele fou ma le uiga 'ese o, Niu Sila.

Na i'u ina latou fetaia'i ma Te Wheke i le Vainu'u o Kuki (Cook Strait). Na a'au Te Wheke i le va o va'a e lua, ma, na taia e Kupe ave o le fe'e i lana to’i. O Rakatuwhenua ma lona 'auva'a na latou tau'aia Te Wheke i faguvai pa'ula'au. Na mamau 'ave o Te Wheke i faguvai pa'ula'au. Na taia loa e Kupe le ulu i se ta malosi lava ma pe ai loa. Sa lagiina loa se pese e nana ai Te Wheke mai iā Muturangi, ma Nga Whatu ma sa tapuiina lea nofoaga.(e ta'ua o le Papa o le 'Auuso Tama)

Talu mai lenā aso, so'o se 'aumalaga e uia le Vainu'u o le Kuki, e lapata'ia lava e 'fa'asaga 'ese o latou mata 'aua nei va'ai iā Nga Whatu (Papa o le 'Auuso Tama) ina ne'i agi se matagi malosi ma sa'e ai o latou va'a.

Here is the English version.

Popular Home